Aban, TL Sai Nain Ba Asaun ConocoPhllips-Shell ■2025 Hahú Faan Mina Featured

Prosesu estudu husi Foreign Investment Review Board Australia (FIRB) ba sosa asaun ConocoPhillips no Shell termina ona.

Nune'e, prosesu transferensia pagamentu ba sosa asaun ne'e bele ezekuta ona ohin, Tersa (16/4) no aban, Kuarta (17/4).

"Projeitu taka orsida. Horisehik ho ohin ne'e delegasaun ita-nia iha Singapura para halo konklui projeitu ne'e. Hahú aban ne'e ita hola parte projetu Greater Sunrise nian ho 56%", dehan Primeiru Ministru, Taur Matan Ruak, iha Palásiu Prezidensiál Bairru-Pité, Tersa (16/4).

Nia hatutan, Governu sei halo esforsu tomak atu termina ona prosesu transfrerénsia ohin, Tersa (16/4).

Tuir Xefe Governu, iha tinan 2025 no 2026 ne'e Timor-Leste komesa faan ona mina, tuir mehi Governu nian, maibe presiza mos atu halo servisu makaas.

Projetu ne'e remata, Timor-Leste hola parte na'in ona no Timor GAP hola parte hanesan konsorsiu ba Greater Sunrise.

Naturalmente tuir mai ne'e sei halo atvidade preparativus para halo prosesu ne'e la'o ba oin, nune'e bainhira to'o iha ne'ebá tékniku sira mak sei fó informasaun detallu.

Prosesu transferensia loloos halo iha 16 Marsu 2019, maibe tanba iha fallansu tekniku entaun adia too ohin loron.

Xefe negosiadór prinsipál ba asuntu fronteira marítima nomos hanesan reprezentante governu Timor-Leste, Kayrala Xanana Gusmão, ohin loron Tersa-Feira (16/04) Asina ona akordu ho kompanhia ConocoPhillips ho Shell. Ho nune’e Timor-Leste iha partisipasaun asaun maioria iha projetu Greater Sunrise.

Rate this item
(0 votes)
Last modified on Tuesday, 16 April 2019 14:43
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com