Ministru Pedro hato’o kestaun ne’e relasiona ho Loron Mundial Aihan ba dala 13 ne’ebé monu iha 16 Outubru.
Tuir dadus, Pedro dehan, sidadaun Timor-Leste ho porsentu 36 mak sei enfrenta inseguransa aihan no nutrisaun.
Nia hatutan, atu bele atinze mehi ida ne’e, estadu tenke investe makas, no presiza esforsu koletivu husi sosiedade sira hotu.
Nu’udar Ministru Agrikultura no Peska no Prezidente Konsellu Nasional ba Seguransa Soberania Aihan no Nutrisaun iha TL, fiar katak kampaña adoasaun TL ne’ebé lidera husi primeiru ministru sei hamihis má-nutrisaun nune'e promove sidadaun ba saudavel.
"Ha’u akompaña iha loron hirak liu bá, husi exelensia primeiru ministru, enserimonia lansamentu sosial kona-bá adoasaun timor-leste, ha’u fiar katak, ho adoasaun timor-leste nian ne'e bele sai nudar kazu pozitivu ida, atu estadu asumi responsabilidade iha nia politika, atu hamenus má-nutrisaun no promove sidadaun ne'ebé moris saudavel," dehan nia.
Entretantu, Selebrasaun loron ai han mundial ba dala 13 ne'e realiza iha Sentru Konvensaun Dili, ne’ebé hetan partisipa husi Prezidente Parlamentu Nasional (PPN), Membru Governu, Reprezentante ONU iha Timor-Leste, no Fund And Agruculture Organization of the Untid Nations (FAO) inklui entidade internasional nomos Komunidade.