OJE 2021, Governu Aprezenta Ona Bilaun 1.895 ba PN

MAPKomS, Francisco Jerónimo entrega Livru proposta OJE 2021 ba Prezidente PN, Aniceto Guterres iha Parlamentu Nasional (15/10) MAPKomS, Francisco Jerónimo entrega Livru proposta OJE 2021 ba Prezidente PN, Aniceto Guterres iha Parlamentu Nasional (15/10) Foto Mídia PN

Tempotimor (Dili)-Oitvu governu liu-husi Ministra Finansa (MF) Interina, Sara Lobo Brites akompaña husi ministru Asuntu Parlamentar no Komunikasaun Sosial (MAPKomS), aprezenta ona Orsamentu Jerál Estadu (OJE) tinan 2021 nian, ne'ebé ho montante bilaun $1.895 ba Parlamentu Nasional (PN).

Husi total orsamentu ne'e sei aloka ba salariu vensimentu milaun $239,26, bens servisu milaun $421,49, tranferensia públika millaun $669,91, kapitál menor millaun $61,14, no kapitál dezenvolvimentu milaun $503,20.

Proposta Orsamentu Jerál Estadu (OJE) ne'e rasik, entrega direta ba Prezidente Parlamentu Nasionál (PPN), Aniceto Longuinhos iha gabinte PPN.

Hafoin simu proposta ne'e, Prezidente PN Aniceto Guteres hatete, proposta ida ne'e governu submete bazeia ba prazu ne'ebé determinadu ona.

"Haree ba oras no loron ohin dia 15 outumbru ne'e, governu kumpri duni prazu atu aprezenta Orsamentu Jerál Estadu (OJE),"Dehan Aniceto iha Parlamentu Nasional, kinta (15/10).

Bazeia ba propoata ne'ebé iha, nia esplika, ida ne'e ba oin, prosesu tomak Parlamentu Nasionál mak sei halo, hahu husi debate jenerálidade to'o aprovasaun final global.

Nia mos husu, atu membru governu tomak kontinua kolabora ho Parlamentu Nasionál, nune'e deskusaun OJE 2021 ida ne'e bele la'o ho diak liu tan. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.