Vise Prezidente Bankada CNRT, Patrocino Fernandes hatete, dezde ejistensia governu konstitusional daualu to’o ohin loron, OJE sempre aprezenta husi vise ministra finansas.

Tuir nia, TL laiha lei atu bandu Vise MF aprezenta OJE, maibé importante mak proposta ne'ebe submete tenke hetan asinatura husi primeiru ministru.

"Ita iha vise ministra maibé nia enkarigadu hanesan ministra finansa interina, entaun primeiru ministru iha kompetensia atu delega kompetensia interinu ba vise ministra finansa par depois aprezenta orsamentu," dehan nia iha PN, Kinta (15/10).

Nia hatutan, governu ne’e identiku ho Primeiru Ministru, no ministru sira ba hodi apoiu PM iha seitor hotu-hotu.

"Kuandu primeiru ministru tau ona ninia asintura hanesan karinbu ida par fó lejitimidade ba preparasun orsamentu ne'ebé teknikamente husi membru governu,” dehan nia.