Opsaun polítiku-lesjislativa subjasente sira ba projetu Dekretu-Lei kona-ba Alterasaun Dahuluk ba Dekretu-Lei ba estatutu RAEOA nian, ho hakarak halo atualizasaun ba ninia kompeténsia no atribuisaun sira, armonizasaun ba ninia estatutu ho inisiativa lejislativa relevante sira-seluk no rezolusaun ba lakuna hirak ne'ebé eziste.
Ministru Prezidensia Konsellu Ministru, Fidelis Leite Magalhães esklarese, ohin hanesan pratika abitu ba Konsellu Ministru ida ne'e, rona uluk aprezentasaun husi proponente ba opsaun politiku-lejislativa nian, antes simu dokumentu legal sira mai, halo sirkulasaun diskusaun kle'an, kona-ba substansia husi diploma legal sira.
"Ohin foin mak aprezentasaun de'it, dokumentu ne'e tempu oin mai mak sei hato'o mai, bainhira hato'o ona mai mak sei halo diskusaun halo klean",dehan Fidelis liu-husi konferensia imprensa hafoin reuniaun Konsellu Ministru iha palasiu governu, kuarta (14/10).
Nune'e, dokumentu refere sei halo diskusaun kle'an liu tan iha tempu tuir mai hafoin foti desizaun final.