PNTL sei Asegura Negosiante Xines Ne'ebe Fila Husi Xina

Loja Xines balun ne'ebe taka iha Dili durante estadu emerjia dahuluk Loja Xines balun ne'ebe taka iha Dili durante estadu emerjia dahuluk Foto suplai

Tempotimor (Dili)- Polísia Nasionál Timor-leste (PNTL) Munisípiu Dili fo ona orientasaun ba membru sira atu asegura seguransa ba sidadaun sira ne'ebé mai husi nasaun repúblika popular Xina.

Segundu Komandante PNTL Munisípiu Dili Superintendente Euclides Belo afirma, sidadaun sira ne'ebé mai husi nasaun repúblika popular Xina, tuir planu sei to'o iha Dili, loron tersa (13/10) no sei tama iha kuarentina.

"Ami halo preparasaun koloka pesoal sira ba garante seguransa, ita nia komunidade estranjeiru ne'ebé, aban sei mai husi Xina no sei hela hotel kuaze 5 ou 6 iha Dili laran, hodi kumpri 14 dias tuir protokuler Ministériu Saúde nian", informa Euclides Belo iha ninia knar fatin, Komandu PNTL Munisípiu Dili, Segunda (12/10).

Sidadaun estranjeiru husi Xina ne'e mai, tanba barak hala'o servisu iha instituisaun governu no konstrusaun iha Dili no Munisípiu sira.

Hotel ne'ebé sei utiliza mak, Golgota, Fortuna, Horizonte, Honkong no sira seluk tan.

"Hotel hirak ne'e mak sei utiliza hanesan kuarentina tau pasageiru sira husi estranjeiru ne'ebé sei mai", tenik Nia

Autoridade ne'e hateten total sidadaun estranjeiru ne'ebé mai husi nasaun repúblika popular Xina sidauk hatene loloos, tanba ne'e banhira parte PNTL hatene ona mak sei fo sai fali ba públiku.

Tuir Fontes Tempo Timor iha parte saude ni'an dehan sidadaun Xines sira ne'ebe antes ne'e hala'o ona sira nia negosiu iha Timor Leste sei fila hikas mai iha Dili, hamutuk ema na'in 140 ou liu.

"Ohin sidadaun Xines liu na'in 140 ne'ebe maioria serbisu iha Portu Tibar, kompletu ona kuarentena loron 13. Sira Kuarentena iha Golgota ho Beach Garden Hotel. Ema sira ne'e diciplina tebes. E sira la tuur hamutuk, toka muzika ou kanta maibe sira ida-idak iha ninia kuartu," informa autoridade ne'ebe invlove besik liu iha prosesu cetrifikasaun ema sira ne'e fila mai TL.

 

Rate this item
(0 votes)
Last modified on Monday, 12 October 2020 16:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter