Print this page

Kinta Semana ne’e, Governu Submete OJE 2021 ba PN

By October 12, 2020 2568
MAPKomS Francisco Martins da Costa Pereira Jerónimo hamutuk ho vise Ministra Finansas Sara Lobo aprezenta Proposta OJE 2020 ba Prezidente PN iha foin lalais ne'e MAPKomS Francisco Martins da Costa Pereira Jerónimo hamutuk ho vise Ministra Finansas Sara Lobo aprezenta Proposta OJE 2020 ba Prezidente PN iha foin lalais ne'e Foto Arkivu

Tempotimor (Dili)-Hafoin proposta Orsamentu Jeral Estadu (OJE) 2020 aprova iha Parlamentu Nasionál, governu sei kontinua kedan ho proposta OJE 2021. Tuir planu, iha Kinta (15/10) semana ne’e, governu sei submete proposta OJE 2021 ba PN.

Ministru Assuntu Parlamentar no Komunikasaun Sosial (MAPKomS) Francisco Martins da Costa Pereira Jerónimo hatete, governu foti ona pozisaun relasiona ho proposta OJE 2021.

"Sim, ami koalia uitoan kona-ba ne'e, pozisaun governu nafatin, bainhira dia 15 ami lori Orsamentu mai (PN)," dehan Jerónimo hafoin hasoru-malu ho Prezidente PN Aniceto Guterres iha PN, Segunda (12/10).

Kona-ba enkontru ho Prezidente PN, ministru ne’e hatan, ida ne’e hanesan ajenda baibain ne’ebé koalia, kona-ba relasaun serbisu entre governu ho PN.

Entertantu, iha proposta OJE 2021 governu preve osan ho montante billaun $1.6.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items