Udan Besik Monu Rai, SEPS Hahú Halakan ‘Alarma’

Ekipa SEPS no parseiru sira ne'ebé atu halo mini kampaña haleu Dili, kona-ba soe lixu iha fatin nune'e labele mosu inundasaun bainhira udan monu rai. Segunda (12/10), Ekipa SEPS no parseiru sira ne'ebé atu halo mini kampaña haleu Dili, kona-ba soe lixu iha fatin nune'e labele mosu inundasaun bainhira udan monu rai. Segunda (12/10), Foto Tempo Timor

Tempotimor (Dili)-Udan besik monu rai ona, dezaste mós hafuhu daudauk ona, tan ne’e Sekretariu Estadu Protesaun Sivil (SEPS) hahú loke ‘alarma’ ba komunidade sira atu kuidadu an hodi labele hetan dezastre bainhira udan hahú monu rai.

Iha Segunda (12/10), SEPS serbisu hamutuk ho parseiru sira realiza mini kampaña hodi fó hanoin ba komunidade sira atu labele soe foer arbiru.

Diretór Jerál Protesaun Sivíl, Superentendente Polísia Ismael da Costa Babo hatete, liu husi mini kampaña ne’e fó avizu ba komunidade sira hodi soe foer iha nia fatin.

"Fó informasaun ba komunidade sira, tanba udan atu mai ona, depois lixu mós barak soe arbiru, entaun udan bele hamosu dezastre naturais," dehan Ismael iha Ponte Habibie, Bidau, Segunda (12/10).

Tuir nia, SEPS iha dever ida atu fó hatene komunidade kona-ba perigu husi foer ne’ebé soe namkari de’it.

"Dever morál SEPS nian atu sensibiliza ba komunidade sira atu reduz lixu iha sidade Dili no hadook aan husi fatin ne'ebé mak fasíl mosu dezastre naturais, rai monu, labarik labele besik valeta sira iha tempu udan, tanba vítima barak mak bee lori ona," katak nia.

Iha fatin hanesan, Jestor ba Programa Care Internasionál, Delfina de Jesus hatete, kampaña ne'e atu avizu ba komunidade sira oinsa sira bele hatene katak tempu udan bele mosu indunsaun bainhira la tau foer iha nia fatin ka soe arbiru.

"Oinsa reduz risku ba sira-nia aan, entaun tenke soe lixu iha nia fatin, liu-liu haree ba plastiku sira ne'ebé namkari iha Dili laran no mós iha tasi-ibun sira," katak nia.

Entretantu, mini kampaña ne'e nia rute hahú husi Largo Lecidere to'o Tasi Tolu no fila husi Tasi Tolu ba Bekora, hafoin remata iha Ponte Habibie.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« October 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter