VIII Governu Sei Buka Dalan Rezolve Projetu 'Ilegal'

Vice-Primeiru Ministru no Ministru Planu Ordenamentu Teritorial (MPOT) José Maria dos Reis hatan hela ba jornalista sira nia perguntas hafoin remata enkontru preparasaun ba Orsamentu Jerál Estadu (OJE) ba tinan 2021, liu-liu area infraestrutura, iha palasiu governu, (09/10). Vice-Primeiru Ministru no Ministru Planu Ordenamentu Teritorial (MPOT) José Maria dos Reis hatan hela ba jornalista sira nia perguntas hafoin remata enkontru preparasaun ba Orsamentu Jerál Estadu (OJE) ba tinan 2021, liu-liu area infraestrutura, iha palasiu governu, (09/10). Foto Tempo Timor

Tempotimor (Dili)- Oitavu governu konstituisional liu-husi reuniaun preparasaun ba Orsamentu Jerál Estadu (OJE) ba tinan 2021, desidi sei aloka orsamentu boot ba area infraestrutura atu selu projetu sira ne'ebé sidauk selu, no buka mos dalan projetu balun ne'ebé laiha kontratu (Ilegal).

Tuir Vice-Primeiru Ministru no Ministru Planu Ordenamentu Teritorial (MPOT) José Maria dos Reis, governu sei buka dalan atu solusiona projetu sira ne'ebé laiha kontratu, tanba empreza balun hala'o ona servisu, nune'e labele husik sai vitima ba prosesu.

"Projetu hirak ne'ebé agora iha Ministériu Públiku ne'e oinsa ona ninia rezultadu? Ate agora sidauk, maibé ami tenta purke, ida ne'e uluk bankada Fretilín rasik mak haruka ba iha Ministériu Públiku sei halo hela analiza, ate agora sidauk iha rezultadu", Dehan José Reis iha palasiu governu, sesta (09/10).

Maibé, atu reafirma de'it, husi 140-ital projetu ne'e, 90-ital mak foti ona desizaun atu selu, tanba iha kontratu.

"44 ne'e laiha kontratu, maibé governu iha nafatin vontade par solusiona problema ida ne'e, tanba ita hotu hatene empreza balun halo tiha ona servisu, ita labele husik sai vitima ba prosesu, ida ne'e mak ami buka hela solusaun oinsa rezolve problema ne'e",Nia dehan

Iha projetu lubuk ida ne'ebé ami aloka ba fundu infraestrutura ho kapitál dezenvolvimentu tuir prioridade ne'ebé governu desidi.

"Iha enkontru ida ohin atu ajustamentu ba tetu Orsamentu 2021 nian ne'ebé antes ne'e Konsellu Ministru aprova ona, tanba ne'e mak ohin ami tenta atu ajusta, liu-liu iha fundus infraestrutura ho kapital dezenvolvimentu nian, ohin hamutuk ho Primeiru Ministru, Ministru Obras Publika atu ajusta projetu balun ne'ebé prioridade tebes atu hala'o iha tinan 2021",Nia afirma (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks