MAPKomS Vizita TT Atu Haree Kooperasaun Entre TT ho RTTL.ep

Ministru Assuntu Parlamentar no Komunikasaun Sosial (MAPKomS) Francisco Martins da Costa Pereira Jerónimo halo Vizita Kortezia ba Timor Telecom no foto hamutuk ho membru Impreza Timor Telecom iha Timor Plaza, sesta (9/20). Ministru Assuntu Parlamentar no Komunikasaun Sosial (MAPKomS) Francisco Martins da Costa Pereira Jerónimo halo Vizita Kortezia ba Timor Telecom no foto hamutuk ho membru Impreza Timor Telecom iha Timor Plaza, sesta (9/20). Fpto Tempo Timor

Tempotimor (Díli) - Ministru Asuntu Parlamentar no Komunikasaun Sosiál (MAPKomS), Francisco Martins da Costa Pereira Jerónimo haktuir, vizita kortezia, iha Timor Telekom (TT) ne'e, atu haree lala'ok redasaun kooperasaun ho Ministériu rasik, liu-liu ho Rádiu Televizaun Timor-Leste Empreza Públika (RTTL.ep) ne'ebé hala'o kleur ona, hahú husi harii Timor Telekom.

Ministru akresenta, dever ida hanesan Ministru, iha obrigasaun hodi mai haree, atu nune'e bele haree fali ba oin, oinsá mak kooperasaun hirak ne'e, bele la'o ho di'ak.

"Ami mai vizita kortezia ida, mai iha Timor Telekom, relasiona ho servisu balun ne'ebé ha'u asumi, liu-liu hanesan mai atu haree Timor Telekom nia servisu, nia lala'ok no iha parte seluk mós, kona-bá Timor Telekom, nia iha redasaun kooperasaun ho Ministériu liu-liu ho RTTL.ep ne'ebé mak sira hala'o kleur ona, komesa husi harii Timor Telekom", dehan Francisco Jerónimo, hafoin hala'o vizita kortezia ba Timor Telekom, iha Timor Plaza, sesta (9/10).

Governante ne'e haktuir, objetivu hosi vizita kortezia ida ne'e, atu rona mós Timor Telekom nia hanoin, sira-nia hakrak no sira-nia preokupasaun, saida mak durante ne'e, sira preokupa ho sira-nia ezisténsia iha Timor ne'ebé oferese fali ba Timor-oan sira, mídia telekomunikasaun, internet no seluk tan.

"Ita hakarak rona atu nune'e iha ideia oinsá mak kooperasaun bele la'o ho di'ak liu tan", Ministru dehan.

Francisco Jerónimo informa liu tan, Preokupasaun hirak ne'ebé sira hato'o mai, hanesan Ministru rona sira-nia preokupasaun hirak ne'e no sei hato'o fali ba iha Ministériu kompetente, hodi bele trata asuntu hirak ne'e.

"Em termus de kooperasaun ho Timor Telekom, hanesan ha'u dehan kooperasaun mak durante ne'e la'o tiha ona, ho RTTL.ep ne'ebé iha MAPKomS nia okos ne'e, kontinua haree nafatin, se karik iha buat ruma presiza hadi'a, sei hasoru malu, hodi halo diskusaun di'ak liu tan, atu bele haree saida mak atu hadi'a, bele hadi'a", Ministru esplika.

Entretantu, tuir Diretór hosi diresaun Enjeñaria no Operasoens (DEF) "Timor Telecom" Francisco de Jesus Leite katak, Ministru ne'ebé tutela mós ba área komunikasaun nian, liu-liu mai, atu esplora no husu kooperasaun entre Timor Telecom ho RTTL.ep.

"Ami mós konvida Ministru vizita ami-nia data center, hodi haree ekipa sira ne'ebé servisu iha laran, ami konsidera vizita ida nee, importante la halimar (importante tebes) ba ami-nia empreza, espera katak lia Tatoli ne'ebé ami hato'o ona, ikus bele hetan resposta husi Ministériu", dehan empreza Timor Telekom.

Nia hatutan, iha momentu ne'e, Timor Telecom iha ona protokolu ho RTTL.ep hahú kedas, iha Timor Telecom harii.

"Ami-nia kooperasaun di'ak tebes ho RTTL.ep, liu-liu ami utiliza tore RTTL.ep nian, ao mezmu tempu fasilita RTTL.ep hodi halo transmisaun direita iha fatin-fatin", Nia esplika.

Nia informa, Agora planu dijitalizasaun husi RTTL.ep prontu ona no iha ona diskusaun plenária entre dirijente RTTL.ep inklui sira-nia téknika ne'ebé suporta husi China ho Timor Telekom rasik.(*)

 

PUBLISIDADE

Rate this item
(0 votes)
Last modified on Saturday, 10 October 2020 17:38
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks