Deklarasaun PR Lú Olo ne’e relasiona ho informasaun husi Xefe Estadu Maior Falintil Forsa Defeza Timor-Leste Maijor Jeneral Lere Anan Timur kona-ba envolvimentu pesoal PNTL iha atividade illegal iha fronteira.
"Governu sei halo investigasaun ba situasaun sira ne'e hotu, agora servisu forsa nian iha ne'ebá halo seguransa par ema labele tama (illegal), maibé ema tama (illegal) entaun sei halo investigasaun," dehan PR Lú Olo iha edifísiu Ministériu Finansas (MF) Aitarak Laran, Dili, Sesta (9/10).
"Médida emerjénsia ne'ebé foin dadauk governu hola, restritu tebes, ne'ebé ita haree took saida mak sei akontese."
Entretantu, tuir informasaun husi Maijor Jeneral Lere ne’ebé hetan mós konfirmasaun husi Komandante Jeral PNTL Komisariu Faustino da Costa, iha pesoal PNTL na’in 10 resin ne’ebé envolve direitamente ba atividade illegal iha fronteira.
PUBLISIDADE