Klaru katak, iha garantia ba promulgasaun OJE 2020, tanba PR Lú Olo konsidera OJE nu’udar esperansa povu nian.
"Orsida parese ha'u simu, maibé seidauk hatene, tanba kompeténsia PN nia hodi haruka ba, mais ha'u fiar, ohin sira sei haruka ba," dehan PR Lú Olo hafoin halo abertura ba tinan 20 Ministériu Públiku (MP) iha edifísiu Ministériu Finansas, Aitarak Laran, Dili, Sesta (9/10).
Lú Olo dehan, tanba OJE nu'udar povu nia esperansa, tanba ne’e nu’udar Xefe Estadu nia sei foti pozisaun tuir lei haruka.
"Esperansa ne'e povu nian, ne'ebé PR haree took orsamentu ne'e no PR sei uza nia kompeténsia par hola pozisaun kona-ba OJE 2020 ne'e, pormulga ka veta," katak nia.
Entretantu, total OJE 2020 ne’ebé pasa iha PN ho votus a favór 42, kontra 21 no abstensaun ida ne’e, hamutuk billaun $1.497.
PUBLISIDADE