Print this page

CNRT 'Ezije' Taur, Troka MF Fernando no MSSI Armanda 

By October 09, 2020 3963
Primeiru Ministru Taur Matan Ruak hamutuk ho nia membru sira iha Plenaria Parlamentu Nasional durante debate OJE 2020 Primeiru Ministru Taur Matan Ruak hamutuk ho nia membru sira iha Plenaria Parlamentu Nasional durante debate OJE 2020 Foto File

Tempotimor (Dili)- Bankada partidu Kongresu Nasionál Rekonstrusaun Timor (CNRT), sujere ba Primeiru Ministru Taur Matan Ruak, atu hasai tiha Ministru Finansas (MF) ho Vise-Primeira Ministra no Ministra Solidariedade Sosiál no Inkluzaun (MSSI) husi kargu ne'ebé asumi.

Deputada husi bankada CNRT, Virginha Ana Belo husu atu hasai tia Ministru Finansas, tanba tuir nia, MF laiha responsablidade hodi auzensia durante diskusaun Orsamentu Jerál Estadu (OJE) ba tinan 2020 iha Parlamentu Nasionál, no hanesan mos ho Ministra Solidariedade Sosiál no Inkluzaun, ne'ebé prezensa, maibé laiha kapasidade.

Mekanismu ne'ebé bankada CNRT fo ba Primeiru Ministru mak, atu halo mudansa ba kargu Ministru Finansas (MF), Fernando Hanjam hodi tun fali ba Vise no Sara Lobo Brites, sa'e fali ba okupa Ministru Finansas nia fatin. Nune'e mos iha Ministériu Solidariedade Sosiál no Inkluzaun (MSSI), Ministra Armanda Berta dos Santos tun fali ba Vise no Signi Chandrawati Verdial sa'e fali ba Ministra.

"Ministru Finansas to'o agora la mosu, vise mak akomoda hotu, ami sujere ba governu se bele karik Vise Ministra Finansa ba fali Ministra, se lae hasai tiha, Ministru ba fali Vise, nune’e mos Vise Ministra Solidadriadade Sosiál Inkluzaun ba fali Ministra, Ministra mai fali Vise, tanba kapasidade ne'e povu tomak akompaña hela," dehan deputada CNRT, Virginha Ana Belo, liu-husi konferensia inprensa iha PN, kinta (08/10).

Maske nune'e, antes Primeiru Ministru, Taur Matan Ruak informa ona iha plenaria Parlamentu Nasionál, Ministru Finansa Fernando Hanjam ho kondisaun saúde la diak, nune'e PM Taur, mak dispensa hodi la tuir diskusaun OJE tinan 2020. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items