L7: Sira Ne'ebé Konsidera Governu Defaktu, Nia Família "Milísia"

Deputadu Cornelio Gama L7 husi bankada PLP Deputadu Cornelio Gama L7 husi bankada PLP Foto suplai

Tempotimor (Díli)- Deputdu husi bankada Partidu Libertasaun Popular (PLP), Cornelio Gama "L7" hateten, sira ne'ebé konsidera VIII Governu Konstituisionál, ne'ebé lidera husi Primeiru Ministru Taur Matan Ruak, defaktu ne'e, sira-nia família, agora iha Kupang Atambua.

"Hatete ba Primeiru Ministru ho Governu defaktu, hanesan iha tempu uluk karik ha'u tuku kedas, ema terus ba nasaun, tinan 24 nia laran, defaktu fali, be imi! Ida ne'ebé ko'alia defaktu ne'e nia maluk sira agora, iha Kupang, Atambua, la'ós iha ne'e", dehan L7, hafoin aprova OJE tinan 2020, iha Plenária Parlamentu Nasionál, kinta (08/10).

"Respeita no fiar ita-nia maun sira, la'ós sira mak hadau osan", tenik Nia

Atuál deputadu ne'e argumenta, maun boot sira ne'ebé terus ba nasaun Timor-Leste mak, Kay Rala Xanana Gusmão, Taur Matan Ruak, Lu-Olo, Lere, Ramos Horta no Mari Alkatiri, tanbá ne'e, jerasaun foun presiza respeita sira.

Deputadu Cornelio Gama "L7" hasai lia hirak ne'e, tanbá antes ne'e, deputadu sira husi bankada Kongresu Nasionál Rekonstrusaun Timor (CNRT), iha diskusaun Orsamentu Jerál Estadu (OJE) tinan 2020 nian, iha Parlamentu Nasionál, hahú kedas debate iha jenerálidade to'o espesiálidade no aprova finál globál, sira kontinua konsidera VIII Governu Konstituisionál, ne'ebé lidera husi Primeiru Ministru, Taur Matan Ruak, inkonstitusionál no defaktu. (*)

Rate this item
(1 Vote)
Last modified on Thursday, 08 October 2020 14:33
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.