Login to your account

Username *
Password *
Remember Me

Deputada CNRT ‘Falta Info’, Kestiona Osan ba Embaixada TL ne’ebé Taka Ona

Tempotimor (Díli)-Deputadu mós ema, tan ne’e klaru nia labele atu hatene buat hotu-hotu, maske nia bele koalia buat hotu-hotu. Sim, ida ne’e duni mak akontese ba deputada husi bankada CNRT iha Parlamentu Nasional Virginha Ana Belo ne’ebé kestiona osan ba embaixada TL iha Luanda ne’ebé taka ona.

Deputada Ana Belo iha ninia intervensaun durante diskusaun espesialidade ba orsamentu jeral estadu (OJE) 2020 ne’ebé aloka ba Ministériu Negosiu Estranjeiru no Kooperasaun (MNEK) kestiona osan ba embaixada TL iha Luanda.

Ana Belo husu, tanba sa mak husi montante orsamentu millaun $20.746 ne’ebé aloka ba MNEK, aloka de’it rihun $1 ba embaixada TL iha Luanda.

"Iha Luanda ne'e $1 mill de'it? Ha'u la hatene, membru do governu, mill ne'e ita atu halo saida? Pelumenus iha esplikasaun, tanba ba Luanda ne'e $1 mill dollars," dehan Ana Belo iha PN, Tersa (06/10).

Tanba osan ne’ebé kiik, deputada ne’e sujere atu di’ak liu taka tiha embaixada TL iha Luanda bainhira sente la impportante.

“Se ita sente iha Luanda la presiza harii embaixada nusa la taka tiha de'it duke husik hela iha ne’eba, depois tenke selu uma aluga, no fó staff lokál ninian, ho buat sira seluk. Ha'u hanoin se ita-boot sira sente katak la presiza, mellor ita taka, lalika hasai tan kustu," dehan nia.

Hatan ba kestaun ne’e, Ministra Negósiu Estranjeiru no Kooperasaun (MNEK), Adlajiza Magno hatete, osan ne'ebé aloka ba Luanda ho montante rihun $1 uza hodi selu fali arendamentu iha Guinea-bisaun tanba embixada TL iha Luanda taka tiha ona.

"Luanda iha mill ne'e tanba ita ninia embaixada iha Luanda taka tiha ona, purtantu iha hela osan $1 mill iha ne'e hodi uza ba ita-nia Ajensia Kooperasaun Timor-Leste nian atu uza selu arendamentu iha Guinea-Bissau," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter