Liu husi komunikadu imprensa prezidente bankada CNRT Duarte Nunes, Hatete, iha aprovasaun  jeneralidade, Opozisaun vota absteinsaun tanba  PPN Ilegál lidera meja la imparsiál, maneira ditadura no hámate direitu opozisaun.

 Nia  haktuir iha  iha artigu 70, Konstituisaun RDTL garante diretu opozisaun sira nia atu halo intervensaun, maneira  ne'ebe lidernsa meza halo ba opozisaun ida ne'e PPN viola tiha.

 "PPN Ilegál halo ameasa bainhira Eletrisidade iha sala Plenária Mate, hodi hasai liafuan "tem os dias contados" ka konsidera katak, "hein sura loron de'it ona!" Ameasa sira ne'e atu dirije ba ser Tanba maneira PPN ilegál dirije plenária ne'e halis liuba partidu no nia Governu viabilizadu de Faktu Inkonstitusionál,"dehan Nia  iha PN, tersa 6/10.

 Nia hatutan, iha erru ne'ebe opozisaun edentifika membru governu balun halo esplikasaun la konviense kona-ba aumentu orsamento to'o 21,4%.

 Nia hatutan, pior liu maka pedidu orsamentu la reflete ho kapasidade governu nian,  atu ezukuta osan Tokon $.759 Iha fulan rua nia laran, seraké governu ne'e sei halo deit milagre ka hanesan baibain, sei halo deit, virement-tranfere ba mai hodi ezukuta lalais.

 "enkuandtu tuir relatoriu ezukusaun fulan sia, nia laran, governu so iha kapasidade ezukuta 49%, tokon ($.526,9) husi total despeza duo-decimal nian ho montante 1.241,5 biliaun,"dehan nia.

 Liga ba aprovasaun jeneralidade ba OJE 2020 ne'e Nia deklara, Pozisaun CNRT fo abstensaun   tanba hare'e ba kestaun legalidade Governu ida-ne'e, aliende Governu ne'e de Faktu Inkonstitusionál tanba harii husi violasaun Konstituisaun no Lei Organizasaun Funsionamentu Administrasaun Parlamentar (LOFP) nune'e mos submisaun proposta OJE 2020 viola Lei Orsamentu no Jestaun Finanseira nian. Iha debate loron-rua iha plenária husi loron 01 - 02 de outubro de 2020, kontinua mosu violasaun oi-oin; deputadus sira simu ameasas, diskriminasaun iha jestaun plenária nian, no simu insultus, akuzasaun no provokasaun.

 Tanba-ne'e, Bankada CNRT manifesta ninia lamentásoens, no kondena maka'as hahalok la-étika Presidente Parlamentu Nasional llegál.