Print this page

Tinan 3 tan, Suku 70 Foin Hetan Naroman

By October 05, 2020 1194
Tekniku sira serbisu hela Sentral EDTL ida iha TL Tekniku sira serbisu hela Sentral EDTL ida iha TL Foto File

Tempotimor (Dili)-Atu bele fó naroman ba suku sira ne’ebé to’o ohin loron seidauk asesu ba eletrisidade, Ministériu Obras Públika presiza hala’o serbisu ne’e durante tinan tolu nia laran, signifika katak komunidade sira iha suku hirak ne’e tenke pasensia hein to’o tinan 2023.

Tuir identifikasaun ne’ebé MOP hala’o rasik, to’o ohin loron iha suku 70 iha teritoriu nasional ne’ebé mak seidauk asesu ba eletrisidade.

Vise Ministru Obras Públika Nicolao Freitas hatete, atu rezolve preokupasaun povu nian relasiona ho eletrisidade presiza iha orsamentu.

"Suku 70 ne'e politika mak tenke iha orsamentu, orsamentu iha ita implementa ona, tanba ne'e mak iha 2021 ita buka atu resolve, to’o 2023 ne'e suku 70 tenke remata ona," dehan Nicolao iha Parlamentu Nasional, Segunda (5/10).

Tuir nia, iha tinan 2021, MOP sei esforsu atu atu rezolve problema eletrisidade iha suku 35 no restu sei rezolve iha tinan tuir mai to’o 2023.

“Eletrisidade hela pursentu 20, nune'e husi parte MOP sei esforsu iha tinan 2021 halo pursentu 10 no iha tinan 2022 to’o 2023 bele konklui ona pursentu 20 husi suku 70 ne'ebé seidauk asesu ba eletrisidade,” dehan nia.

Aleinde problema eletrisidade, Nicolao dehan, MOP mós sei fó prioridade ba problema estrada rural ne’ebé durante ne’e sei sai preokupasaun.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items