Login to your account

Username *
Password *
Remember Me

CNRT Ezije Governu Bandu PSHT Ba Sa’e Sintu

Deskonfia Membru PSHT na'in rua ne'ebe sira nia aman komandante bo'ot ida iha PNTL hetan kapturasaun husi UPF iha Mota Ain hafoin ba tuir seremonia hasa'e sintu Atambua iha fulan kotuk Deskonfia Membru PSHT na'in rua ne'ebe sira nia aman komandante bo'ot ida iha PNTL hetan kapturasaun husi UPF iha Mota Ain hafoin ba tuir seremonia hasa'e sintu Atambua iha fulan kotuk Foto Suplai

TempoTimor(Dili)-Bankada Kongresu Nasionál Rekonstrusaun Timorense (CNRT) husu ba governu atu kontrola no bandu membru grupu artemarsiais Persaudaraan Setia Hati Terrate (PSHT) tama sai fronteira hodi hasa’e sintu (naik sabuk).

Xefí Bankada CNRT, Duarte Nunes hatete, governu tenke kontrola no hapara sidadaun ne'ebé tama sai illegal iha fronteira hodi hala'o sira nia atividade, tanba agora dadauk mundu preokupa oinsá atu halo prevensaun ba Covid-19.

Nia haktuir, se ita la konsege hapara sidadaun ne’ebé tama sai illegal iha fronteira, ida ne’e bele lori risku no bele lori moras tama mai rai laran.

"Situasaun artemarsiais nian, ha’u hanoin governu tenke kontrola, nune’e bele hapara tia, tanba laiha nesesidade hodi halo atravesia. Sira ba ho interese no viola tan lei," informa Deputadu, Duarte Nunes hafoin debate pedidu estensaun ba Estadu Emergensia daneen iha Parlamentu Nasional (PN), (03/10).

Nia argumenta, governu kontinua mantein seguransa no kaptura sidadaun estranjeiru ne'ebé tama mai ho illegal hodi haruka fila.

"Ha’u hatene, sidadaun estranjeiru kuandu tama mai ita nia polísia ka'er depois haruka fila-fali. Ha’u hanoin ida ne’e presiza kontinua, mesmu sira lori sasan mai, maibé kuandu illegal haruka fila," tenik Duarte Nune’e.

Nia mós kestiona katak, situasaun ne’ebé perigozu liu maka sidadaun balun tenta tama mai illegal mais lakohi koopera ho parte saúde atu tama kuarentina.

"Perigu liu maka sira ne'ebé mai subar no ba hela ho familia, depois maka ita ba ka'er, ida ne'e problema boot," Nia kestiona.

Deputadu CNRT ne’e husu ba autoridade lokal tenke servisu hamutuk ho Polísia Nasionál Timor-Leste (PNTL) hodi tau atensaun ba situasaun hirak ne’e.

"Situasaun iha fronteira ita tenke komesa klasifika ona no aumenta asistensia iha parte ne’ebá, kuarentina iha fronteira tenke iha ona hodi nune’e labele mai hotu Dili. Pesoál Saúde mobiliza ba hotu iha ne’ebá hodi fó atendimentu, nune’e ita bele liberta ona zona ne'ebé hanoin atu hala’o movimentu no garante katak zona refere livre," hakotu nia. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter