Deputadu FRETILIN-CNRT 'Haksesuk Malu' Fila PN ba Merkadu

Deputadu 65 husi Bankada walu iha parlamentu Nasional foti sa'e kartaun afavor 44 no absteinsaun 21 hodi aprova iha jeneralidade proposta OJE 2020 Iha plenariu PN, sesta (2/10) Deputadu 65 husi Bankada walu iha parlamentu Nasional foti sa'e kartaun afavor 44 no absteinsaun 21 hodi aprova iha jeneralidade proposta OJE 2020 Iha plenariu PN, sesta (2/10) Foto Tempo Timor

Tempotimor (Dili)-Deputadu bankada Fretilin David Dias Ximenes no deputada bankada CNRT Maria Bareto 'haksesuk malu'  ho lian maka’as iha plenariu uma fukun.

Situasaun ne'e akontese bainhira  membru orgaun lejislativa sira hala'o daudaun debate loron daruak ba proposta Orsamentu Jeral estadu (OJE) 2020 iha plenariu Parlamentu Nasional, sesta (2/10).

Prezidente Parlamentu Nasional, Aniceto Guteres hatete, deputadu sira uza  plenariu hanesan “merkadu, nune'e, Balun faan, balun sosa.”

Entretantu situasaun ne'ebe mosu, konsege lori anima membru Parlamanetu nasional inklui membru governu no mos ema seluk ne’ebe marka prezensa iha uma fukun ne’e, fihir ba teatru husi membru Parlamentu na’in rua ne'ebe haklalak iha Plenaria Parlamentu Nasional ne;e.

Situasaun ne’e mosu wainhira Deputadu David Dias Ximenes hato’o pontu de orden no Meza Parlamentu Nasional fo atensaun. Nune’e, Deputadu ne’e halo hela intervensaun  de repente korta husi deputada bankada CNRT Maria Bareto.

“Tempu hotu ona, hau nia intervensaun la fo, pontu de orden fo tempu barak liu ona, ohin hau foti liman atu halo intervensaun la fo tiha, Agora labele fo tan tempu ba Deputadu ida atu koalia,”protesta deputada Maria Bareto.

Nia hato’o ninia duvida ho meza Prezidente Parlamentu Nasional ne’ebe la tau atensaun ba  intervensaun deputadu sira nian hodi dehan,“pontu de orden ne'e tenke fo duni minutu ida.”

“ida ne'e mak dehan prezidente legal no imparsial mak ne'e ga?,"Deputada CNRT Kestiona.

Hatan ba deputada Maria Bareto, David Ximenes Dias hateten "se mak dehan? hau iha diretu atu koalia, O mak manda fali iha ne’e? Lae o sai tiha deit ona,"

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« January 2021 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks