Ahi ne’ebé mate no lakan lalais de’it, halo bankada opozisaun sira hamnasa no halo trosa, nune’e Prezidente Parlamentu Nasional Aniceto Guterres hasai ‘ameasa’ ida.

Tuir Aniceto, bainhira deputadu balun koalia, husu atu deputadu seluk nonook, labele hamnasa no halo trosa.

"Husik ema seluk koalia, rona lai, koalia hamnasa halo trosa tanba saida? Tanba ahi mate ne'e? Ha’u seidauk book buat ida, lalika obriga hau book estrutura ne'ebé imi monta ne'e, koalia hamnasa halo trosa ha’u hatene, ha’u koalia ne'e tanba akontese beibeik ona, Primeiru Ministru nia prezensa akontese hanesan ne'e, Prezidente Repúblika nia prezensa mós akontese hanesan ne'e, ha’u hatene saida mak akontese iha ne'e, depois imi sei koalia hamnasa, tem um dias contados, tem um dias contados," dehan Aniceto Guterres iha PN, Sesta (02/10).

Hafoin ida ne’e, deputada Rangel kontiua hikas ninia intervensaun.

Entertantu, ohin deputadu sira iha PN tama ona ba loron daruak ba debate jeneralidade orsamentu jeral estadu 2020.