Login to your account

Username *
Password *
Remember Me

PM Taur: Bankada Parlamentar Matenek, Governu Konsege Ultrapasa Impase Politika

PM Taur Matan Ruak ho Membru Governu VIII Governu Konstitusional iha aptrezentasaun no debate OJE 2020 iha plenaria PN, Kuarta (1/10) PM Taur Matan Ruak ho Membru Governu VIII Governu Konstitusional iha aptrezentasaun no debate OJE 2020 iha plenaria PN, Kuarta (1/10) Foto Suplai

Tempotimor (Dili)-Maske sei iha deklarasaun husi lider balun ne’ebé hatete katak Timor-Leste sei moris iha impase nia laran, maibé tuir Primeiru Ministru Taur Matan Ruak, governu ne’ebé nia lidera konsege ultrapasa ona impase politika. Ida ne’e akontese tanba bankada parlamentar sira ne’ebé iha matenek.

PM Taur dehan, entendimentu ida-ne’ebé garante ona, entre fulan-juñu no fulan-jullu tinan ida ne’e, formasaun husi maioria parlamentár foun ida, ne’ebé bele lidera país to’o mandatu remata, hodi dezblokeia impase governativu ne’ebé hahú kedas husi tinan 2018 no kompleta ona membru sira Governu Konstitusionál VIII nian, ne’ebé hamutuk iha misaun atu ezekuta programa Governu nian ida-ne’ebé konsensuál, atu atinje meta no indikadór sira, tuir objetivu hirak ne’ebé hatuur ona.

Tuir Xefe Governu katak, partidu sira ne'ebé sai bankada apoiante ba governu iha Parlamentu Nasionál, konsege hakat liu impase politika ne'ebé halo nasaun moris iha inserteza.

"Ho matenek no hanoin di’ak maka bankada parlamentár oioin, ne’ebé ohin loron apoia Governu ne’e, konsege hakat liu, iha tempu util, impase ne’ebé halo país ne’e moris iha inserteza polítika boot ida nia laran no ne’ebé halo sidadaun sira no ajente ekonómiku oioin lakon konfiansa", Dehan PM Taur liu-husi komunikadu imprensa ne'ebé Tempotimor asesu iha loron, kinta (01/10).

PM esklarese, Impase ne’ebé sai grave liután ho inundasaun no dezastre naturál sira ne’ebé akontese iha ita-nia país iha fulan-marsu no fulan-maiu, hodi halo ema balu mate, estraga sasán no fó prejuízu boot ba ema no família atus ba atus.

"Sirkunstánsia sira la favoravel ne’ebé multiplika efeitu no impaktu negativu ne’ebé kauza husi aparesimentu pandemia COVID-19 nian, entre fulan-fevereiru no fulan-marsu, ne’ebé ameasa futuru país nian no sidadaun sira-nia moris, liuliu ferik-katuas no sira-ne’ebé vulneravel liu hasoru moras da’et sira, no fó risku ba ita-nia kapasidade resposta nian husi Servisu Nasionál Saúde, ne’ebé sei fraku no la preparadu atu hasoru krize sira ho dimensaun boot", PM hatutan

Maibé ho duni barani no lalais mak órgaun soberania oioin hatene oinsá propoin, autoriza no proklama períodu Estadu Emerjénsia nian oioin, atu hatán, tuir rekomendasaun prátika hirak ne’ebé di’ak liu, ba nesesidade atu limita liberdade, direitu no garantia sira, ne’ebé hatuur ona iha Konstituisaun Repúblika no iha Deklarasaun Universál Direitus Umanus.

"Iha ámbitu ida-ne’e, ita husu sakrifísiu boot ba ita-nia ema sira no ita-nia sosiedade, hodi limita direitu sirkulasaun nian ho bandu ba movimentu no viajen sira, ne’ebé aumenta tan ho taka fronteira sira", Dehan PM

Xefe ezekutivu ne'e hatutan, Ita mós husu atu halo distansiamentu sosiál no bandu realizasaun eventu, manifestasaun no enkontru sosiál, kulturál, desportivu no polítiku sira, ne’ebé halibur ema barak.

"Ho liafuan badak, ita husu ba país hodi suspende ninia atividade no hamenus ninia progresu iha área barak no iha setór hirak ne’ebé fundamentál ba ita-nia moris-di’ak no ba ita-nia kreximentu ekonómiku", tenik Taur

Nune'e, ba pedidu sira-ne’e hotu, ita-nia Povu hatán ona ho sidadania, responsabilidade, dixiplina, obediénsia no espíritu pertensa nian ne’ebé boot tebes, tanba hotu-hotu konxiente kona-ba perigu no kompriende katak solusaun ba prevensaun propagasaun COVID-19 nian, la depende de’it ba autoridade saúde, seguransa ka administrasaun públika, maibé husi hahalok no atitude Timoroan idak-idak nian.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter