Durante ne'e kompana privadu sira de'it maka hetan previleiju ba tender sira forsimentu konbustivel ba Sentral EDTL. Alterasaun projetu Dekretu-Lei ne'e, aprezenta husi Ministru Obras Públikas (MOP), Salvador Soares dos Reis Pires.

Projetu Dekretu-Lei ne'e ho objetivu atu regula fornesimentu kombustivel ho regulár no obrigatóriu husi Timor-Gap ba EDTL, nune'e, permite fornesimentu kombustivel nesesáriu ho seguru hodi bele mantein funsionamentu sentru produsaun eletrisidade sira nian.

Timor-Gap tenke fornese kombustivel ho seguru no kumpre valór no espesifikasaun téknika hirak-ne'ebé hakerek ona iha kontratu.

Ministru Obras Publika (MOP) Salvador Pires, hateten, alterasaun dekretu Lei ne'ebé ohin hetan aprovasaun husi Konsellu Ministru ne'e, sei hein promulgasaun husi Prezidente Republika.

"Aprova ohin kona-ba mina ou konbustivel ba Timor-Gap ohin aprova ona, ne'ebé sei hein dekretu-lei ne'e promulgadu atribui Lote ida ba Timor-Gap, EDTL.EP mak sei halo ida ne'e, depois ami sei defini nia kontratu, maibé nia prosedimentu hotu-hotu hanesan kestaun administrativa",Dehan MOP Salvador hafoin reuniaun Konsellu Ministru iha palasiu governu, kurta (30/09).

Nia hatutan, "Hanesan kestoes tekniku sira ne'e tuir komisaun nasionál aprovizionamentu iha no espesifikasaun kona-ba mina ne'e EDTL.EP fo durante loke tender, ne'ebé orsida Timor-Gap tenke komprementa rekezitus administrativa no rekezitus teknika sira",

Tuir Nia, Timor-Gap la'os fornese hotu konbustivel ba sentru eletrisidade rua hanesan Hera ho Betano, maibé kada Lote ida de'it.

"Fornese ba iha sentral rua hotu ga oinsa? Lea, kada Lote ida, ita fo lote ida de'it, agora iha Lote tolu, desizaun orsida fo Lote ida ne'ebé depois mak ita haree. Lote iha rua, signifika fornesimentu ne'e kompañia tolu, rua iha Hera ida iha Betano, agora atu fo ida ne'ebé depois mak ita haree",tenik Nia

Nia mos dehan, Involvimentu Timor-Gap atu fornese konbustivel ba sentral eletrika, la taka dalan ka la hapara kompañia privadu sira.

"Timor-Gap fornese ona konbustivel ne'e, sei hapara kompañia sira antes ne'e fornese ona ne'e ga oinsa? Lae, rekursu ita loke, foin anunsiu ka loke konkursu ba Lote tolu, entaun ita loke ba Lote rua de'it", Nia esplika

Nia relata, involvimentu Timor-Gap iha fornesimentu konbustivel ba sentral eletrika ne'e, bazeia ba politika Primeiru Ministru Taur Matan Ruak nian.

"Agora involvimentu Timor-Gap ne'e bazeia ba politika Primeiru Ministru nian ne'ebé hanoin atravesa partisipasaun empreza publiku hanesan Timor-Gap bele asegura seguransa energitika fornesimentu konbustivel ne'ebé kulker governu iha posibilidade, presiza kuantidade as liu husi kontratu empreza privadu bainhira presiza halo adisional, sira iha flexibilidade bele hatama par jere eletriku sira",Nia salienta

Entertantu, tender iha tinan kotuk kompañia fornese konbustivel hamutuk 150 milloes litrus.

"Tender ida ne'e 130 ital milloes litrus, ne'ebé ami sei desidi lote tolu ne'e oinsa", Nia dehan