Husi rekrutamentu asesor foun haat ne'e, sei desloka rua ba apoiu serbisu iha komisaun C PN ho kurtu prazu fulan tolu, no asesor rua seluk sei destaka iha komisaun A, no F, to'o Mandatu V lejislatura ne'e remata.

Sekretaria Jeral PN, Cedelizia Faria dos Santos deklara, rekrutamentu ne'e dadauk sei lao hela, ho ida ne'e sei aplika bazeia ba kriteriu ne'ebe PN iha.

Kona-ba planu rekruta ne'e, Nia hatutan, daudauk PN iha on kriteriu balun ne'ebe hanaran short-term, ne'ebe sei fo ba asesor rua atu apoiu  iha komisaun C trata asuntu finansa, hodi halo serbisu kona-ba preparasun Orsamentu Jeral Estadu 2020-2021.

"Iha balun ne'e ami bolu, short-term deit (asesor ba termu kurtu deit), liuliu ba apoiu ba duranta iha orsamentu rua ne'ebe ke atu tama iha komisaun C, hodi komisaun C halo serbisu, ida ne'e mak iha kurtu prazu deit," dehan Cedelizia, iha Parlamentu Nasional (PN), Kuarta (30/9).

Nia haktuir, alende asesor rua seluk, tuir planu, sei desloka ba iha komisaun A no Komisum F tanba durante ne'e sira laiha asesor atu halo serbisu iha area ne'eba.

Husi prosesu rekrutamentu ne'e, nia esplika sei ezukuta tuir kriteriu, dahuluk tenke hetan aprovasaun liuhusi konselhu administrasaun depois entrega ba sekretariu jeral PN, hafoin loke prosesu rekrutamentu. (*)