Xanana Husu Manatutu-oan Iha Díli Fila

Eis-Prezidente da Republika (2002-2007) Kay Rala Xanana Gusmao iha hatais tuir kustume Manatuto-Anan nian Eis-Prezidente da Republika (2002-2007) Kay Rala Xanana Gusmao iha hatais tuir kustume Manatuto-Anan nian Foto File Tempo Timor

Tempotimor (Manatutu)- Líder Karismatiku Kay Rala Xanana Gusmăo husu ba Manatutu-oan sira ne'ebé durante ne’e hela iha kapital Díli atu fila ba Manatutu hodi tau hanoin hamutuk atu dezenvolve sira-nia munisípiu rasik.

Tuir Xanana, dezenvolvimentu munisipál atu la'o ho di'ak, presiza ema hotu nia partisipasaun atu kontribui ho fuan no laran moos ba rai no nia komunidade rasik.

"Imi tenke fila mai Manatutu labele hela iha Díli halo uma di'ak tiha depois lakohi fila mai dezenvolve imi nia rai rasik", hatete Líder Karízmatiku Kay Rala Xanana Gusmăo bainhira sai oradór ba semináriu nasionál ho tema " Estado de Direito Democratico: "A Base da Garantia da Defesa do Direito de todos os Cidadăos", iha salaun parókial Igreja Manatutu, Tersa (29/09).

Xanana enkoraja Manatutu-oan tomak tenke prepara aan didi'ak hodi sai sidadaun di'ak ba timoroan hotu.

"Nu'udár Manatutu oan, imi labele sai fali joventuda, mais tenke forma aan sai juventude ida loloos kria paz ba ema hotu-hotu", Xanana fó hanoin.

Rate this item
(6 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.