Tuir Xanana, bainhira nia kaer ukun, nia halo gastus ba FP la’os gasta arbiru de’it, maibé atu hatama fila fali osan ba iha FP.
"Ohin loron balun dehan ‘gasta fundu Minarai estraga de'it osan’, ne'e ko'alia beik-teen, tanba se atividade petrolíferiu ne'ebé sei tau osan iha fundu minarai, ha’u gasta osan par nia hatama osan iha fundu minarai ne'e, ha’u gasta arbiru, ko'alia la hatene," dehan Xanana bainhira sai orador iha seminariu nasionál ida iha salaun parokial igreja Santu António Munisípiu Manatuto, Tersa (29/09).
"Agora 75 pursentu husi platforma, loos duni ita sei tau no hatama osan, osan ne'e sei fila, ida ne'e mak ita husu boot matenek sira kaer fundu petrolíu ne'e husu boot atu jere de'it mak deskute."
"Ita ne'ebé la iha osan atu dezenvolve rai, ba husu tun sa'e, tenke hanoin luan ituan, lalika haree de'it mak ita nia sapatu tenke haree ba sorin-sorin," dehan Xanana.
