Horta hatete, durante ne’e lider nasional sira ne’ebé iha diferensia ideia no politika sempre ataka-malu ho ideia maibé la signifika katak lider sira ne’e odiu malu.
"Lider politiku sira bele ko'alia kro'at ba malu mais laiha odiau. Purtantu, ita-boot sira hakarak sistema perfeitu, entaun nune'e la'o neineik, tanba rai demokrasia liu iha tinan lubuk ida (sei) rungu-ranga ba-mai, kuantu mais Timor," dehan nia iha abertura seminariu nasional ida iha Munisipiu Manatuto, Tersa (29/09).
Kona-ba situasaun politika atual liga ba partidu politiku ne’ebé sei kaer ukun iha tinan 2023, Horta dehan so Maromak de’it mak hatene.
"Klaru 2023 ita la hatene, ne'e so Na’i Maromak mak hatene see mak atu ba governu, mais hau hatete dala ida tan, tiu no tia sira, ha’u komprende povu nia preokupasaun, joven sira, se ita-boot sira lakohi laran taridu hanesan sig fali bainhira mak iha governu, entaun di’ak liu tuur nonook lai," dehan Horta.
Maske ohin loron TL sei moris iha impase politika nia laran, maibé tuir Horta nia ladun preokupa tanba seguransa iha TL laiha problema.
