Print this page

Deputadu PLP 'Ezije' Tinan Oin Aselera Infra-estrutura Baziku

By September 29, 2020 1647
Parlamentu Nasional Timor Leste Parlamentu Nasional Timor Leste Foto Suplai

Tempotimor (Dili)-Prezidente Komisaun E Parlamentu Nasional ne’ebé trata asuntu Infra-estrutura, Abel Pires hatete, Orsamentu Jeral Estadu (OJE) 2021 presiza aselera lalais infra-estrutura baziku tanba ne'e nu’udar parte ida husi direitu sidadaun Timor-Leste.

Abel hatete, iha osarmentu ba tinan 2020 labele ezije buat barak tanba ezekusaun fulan ida resin de’it.

Deputadu PLP esplika, bainhira PN konsege aprova OJE 2020 iha 8 Outubru, iha loron tuir mai, 9 Outubru, sei submete ba Prezidenti Repúblika no PR tenke iha tempu adekuadu atu estuda molok promulga.

Abel espera PR promulga OJE 2020 iha fulan Outubru nia laran nune’e iha fulan Novembru governu bele ezkuta ona.

“Se (PR promulga) tarde to’o Novembru, ne'e Dezembru susar tebes, tanba orsamentu 2020 formaliza de’it tanba gostu sura husi Janeiru to’o ohin loron,” dehan nia.

Tanba OJE 2020 imposivel atu aloka ba dezenvolvimentu, nia dehan, presiza tau osan iha OJE 2021 hodi hadia infra-estrutura baziku.

"Ne'e nesesidade baziku, ne'e dereitu umanu. Eletrisidade ho bee-mos, tanba ita ema moris bee mak tenke uluk depois mak eletrisidade," dehan Abel iha PN, Segunda (28/9).

Tuir Abel, Timor-Leste relasiona ho infra-estrutura baziku koalia buat tolu deit, atu kampana politika iha ezizensia ba asuntu tolu hanesan bé mos, eletrisidade no estrada, liuliu iha parte rural, mesmu nune'e, Abel hateten, estrada nasional mos presija tau atensaun barak.

Reprejentante povu ne'e foti ezemplu, estrada husi parte Ermera liu tiha gleno ba Postu admistrativu sira sei aat, Ainaro ba Suai, Suai ba Same husi Hatu'udu mos hanesan, Same ba Natarbora pois Viqueque mos presija tau atensaun.

"Estrda tenki neneik, tanba karun. Mais be mos ho eletrisidade tenki lais, hau haree tinan oin ita tenki halo buat barak," dehan Abel.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items