PTR: Seidauk iha Komunikasaun Entre MJ-TR Kona-ba Rejistu Partidu Foun

Prezidente Repúblika (PR) Francisco Guterres Lú-Olo simu audiénsia husi Prezidente Tribunal Rekursu (PTR) Deolindo dos Santos iha Palásiu Prezidensiál bairru-pite. Segunda (28/9). Prezidente Repúblika (PR) Francisco Guterres Lú-Olo simu audiénsia husi Prezidente Tribunal Rekursu (PTR) Deolindo dos Santos iha Palásiu Prezidensiál bairru-pite. Segunda (28/9). Foto Midia PR

Tempotimor (Dili)-Maske informasaun espekula ona iha públiku katak mosu partidu foun lubuk ida ne'ebé hahú ona kongresu no rejista ona, maibé Tribunál Rekursu (TR) rasik seidauk haree pertidu foun ne'ebé rejistu, tanba husi Ministru Justisa (MJ) seidauk halo komunikasaun ho tribunál.

Lia hirak ne'e Prezidente Tribunál Rekursu (PTR) Deolindo dos Santos relata hafoin remata enkontru semanál ho Prezidente Repúblika (PR) Francisco Guterres Lú-Olo iha Palásiu Prezidensiál bairru-pite, Dili.

"Prosesu rejistrasaun partidu ne'e tenke liuhusi Ministériu Justisa (MJ) parte notariadu nian, entaun depois ida ne'e mak foin ba to'o tribunál rekursu," dehan PTR Deolindo dos Santos iha Palásiu Prezidensiál bairru-pite, Dili, Segunda (28/9).

Nia mós dehan, to'o agora seidauk iha partidu ida ne'ebé rejistu, maibé dalaruma iha Ministériu Justisa (MJ).

"Ate agora seidauk iha partudu foun ne'ebé rejistu, bele iha, maibé seidauk iha komunikasaun husi MJ nian ba TR katak iha partidu foun ne'ebé rejistu ona, tanba ne'e presiza intervensaun TR nain, maibé ida ne'e seidauk iha," katak nia.

Prezidente orgaun judisiál ne'e mós subliña katak, partidu foun sira ne'ebé iha ne'e, iha hela diskusaun públiku.

Entretantu partidu foun ne'ebé dadaun ne'e kontinua diskusaun iha publiku mak hanesan, PATIFOR, PLUTA, Os Verdes, FITUN no seluk tan.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.