Print this page

MPM Buka Solusaun ba Alta Autoridade Asuntu Liña Transversais

By September 25, 2020 1017
Ministru Petróleu no minerais, Victor da Conceição Soares ko'alia ba Jornalista sira iha Palasiu Governu, Dili (24/9) Ministru Petróleu no minerais, Victor da Conceição Soares ko'alia ba Jornalista sira iha Palasiu Governu, Dili (24/9) Foto Tempo Timor

Tempotimor (Dili) - Ministru Petróleu no minerais, Victor da Conceição Soares, propoin ideia ba Primeiru Ministru, Taur Matan Ruak atu buka solusaun hodi harii autoridade espesifiku trata ba asuntu liña transversais.


Nia esplika, Ministeiru Petróleu no Minerais foka liu ba área petróleu no minirais katak mina-rai mak petróleu no minerais mak fatuk, rai-henek, osan mean no mutin, nune'e bainhira asuntu seluk ne'ebé la relevante ba asuntu petróleu no minerais nian labele tula hotu ba MPM nia leten.

Tanba ne'e, Victor akresenta iha projeitu transversais ne'ebé presiza atu harii alta autoridade para koordena liña ministeiru sira ne'ebé envolve iha laran.

Nune'e, tuir nia, Ministériu Petróleo no Minerais rasik labele sai fali koordenador ba asuntu hirak ne'e. 

"Ministériu petróleo labele sai fali koordenador ba ema sira ne'e hotu, entaun tenke iha autoridade ida ne'ebé, hanesan aban-bainrua trata asuntu ida ne'e, no ideia ida ne'e fo para nu'udar primeiru ministru tetu atu ba oin ne'e buka solusaun," dehan Victor, iha Palásiu guvernu Dili, Kinta (24/9).

Nune'e, ideia harii institusaun ka alta autoridade foun ne'ebé Ministériu Petróleu no Minerais rasik mós sei hola parte iha laran sei  aprova liu husi Konsellu Ministru tanba presiza mos lei atu regula.

"Kuandu Institusaun lei ne'e iha ona mak foin buka figura, mais agora ne'e seidauk too iha nivel ne'ebá, ne'e sei dook," dehan Victor.

Entertantu, seidauk klaru alta autoridade ka institusaun ne'ebé mak sei hari no bainhira ne'ebé mak envolve mos MPM iha laran maibe deskonfia autoridade ne'ebé sei hari atu trata asuntu projeitu tasi mane relasiona ho kadoras Griter Sunrise.(*)  

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items