“Ami nia rapor ezekusaun tinan ne’e sei la atinje tan ba ami nia lei organika to’o agora seidauk hotu nafatin Maske Konsello Ministru aprovado Ona,” dehan ema ida ne’ebe hola parte mos iha enkontru refere no husu atu labele publika ninia naran ho pozisaun.

Nia informa katak asesor portuges ida husi MRLAP mak kestiona portuges husi asesor portuges sira ne’ebe serbisu iha ministeiru seluk ke halo lei organika balun ba ministeiru seluk.

Iha parte seluk Ministru Reforma Lejislativa Asuntu Parlamentar (MRLAP) dehan katak tenke halo lei orgánika ho kualidade atu labele hamonu primeiru ministru Taur Matan Ruak nia oin.

“Ita tenke halo sasan sira ne’e ho kualidade, tanba ita-nia prezidente repúblika ema jurista ida, tanba ne’e ita tenke halo sasan sira ne’e ho kualidade hodi labele hamonu ita-nia primeiru ministru Taur Matan Ruak nian oin”, dehan MRLAP Fidelis Leite Magalhães iha plenária parlamentu nasional tersa feira horseik. (10/04/2019)

Maibe tuir publiku nia hare ho menus ezekusaun ne’e mos hamonu ona VIII ninja prestijiu no Primeiru Ministru ninja naran mos sofre.

“Ami sente ne’e komik fali se iha fulan sanolu nia laran ministeiru barak ke ninia lei organika la iha ne’e bele tau kestaun ba prestasaun governu ida ne’e ninian,” dehan Domingos D. C. L. Araujo (tinan 27), estudante universitário ida iha Dili.