Pakote ne’e la inklui iha kapitál dezenvolvimentu no pakote ba rekuperasaun ekonómiku ho pur-volta tokon US$ 21, ne'ebé sei distribui liu tokon US$ 15 ba saneamentu báziku, liuliu konstrusaun lavandaria (public toilet) iha munisípiu tomak no mós drainajen iha Díli.
"Ita koloka ona mós ba iha eletrisidade, ba iha iluminasaun ba ita-nia munsípiu sira”, dehan Ministru Obras Públikas (MOP), Salvador Pires, iha Ministériu Finansas Ai-tarak Laran, Tersa (22/09).
Nia hatete, iha orsamentu ba rekuperasaun ekonómiku sei uza ba halo estudu konversaun husi óleu-pezadu atu aumenta tan naturál gás, nune'e bele minimiza kustu produsaun iha rai-laran.
Nia dehan, kada tinan baze orsamentu 80% husi OJE ba nian MOP koloka ba de'it iha sustenta operasaun mákipa ba produz enerjia eletrisidade iha territóriu tomak.
Nia informa, antes ne'e MOP rasik hetan tulun orsamentu husi Compact Development Team (CDT) husi ekipa MSSI nian ne'ebé tutela ba Visé Prímeira Ministra (PM) ho totál investimentu kustu ne'ebé aprezenta husi dezeñu detalladu hamutuk tokon US$ 350. Nune'e, husi pakote ne'e sei fó tokon US$ 211 mai halo drainajen. (*)