Ministru Negósiu Estranjeiru no Kooperasaunv (MNEK) Dionísio Babo Soares katak, to’o agora Timor-Leste seida’uk hetan resposta husi departementu Estadu husi Amerika nian ba embaixada TL iha ne'ebá, liu-liu misaun permanente iha Novaiorke.
“Ita hetan duni notifikasaun ida dehan katak fó tinan ida para bele aluga fali fatin foun, maibé iha Novaiorke ne’e lori garantia ba tinan ida ema sira ne’ebé atu arenda sira-nia uma ne’e lakohi hotu, sira hakarak minimu ne’e tinan hitu. Só tinan hitu maka ita foin bele aluga, tanba ne’e mak ita sei haree hela”, dehan nia, iha Palásiu Governu, Tersa (9/4).
Konsellu Ministru Timor-Leste nian halo ona desizaun hodi fo arendamentu ba embaixada Amerika too tinan 90.
Agora embaixada iha Novaiorke remata ona kontratu, tanba ema ida ne'ebé ninia uma TL aluga faan tiha ona ba ema seluk. Ne'e duni tenke buka fatin foun, maibe ida ne'e mos ltenke hetan aprovasaun husi departementu Estadu mak foin bele aluga.
