Tuir Prezidente Autoriedade Rejiaun Administrativa Espesiál Oekusse Ambeno no Zona Espesiál Ekonomika Sosiál Merkadu (RAEOA no ZEESM) katak montante orsamentu ne'ebé atu finansia ba estrada diresaun Pante Makasar ba Oe-silo, Citrana no Nítibe husi rejiaun nian, maibé segredu.
"Orsamentu ba halo estrada hira ne'e ba diskute mak ita-boot hatene, agora ha'u ko'alia ne'e, kompañia sira komesa hakerek ona, labele! Buat ne'e segredu ne'e," dehan PA RAEOA no ZEESM Arsenio iha Komoro, Kuarta (16/9).
Nia afirma, importante mak estrada ba área rural sira tinan oin komesa la'o ona.
"Estrada prinsipál ba Oe-silo no Citrana to'o Oenunu osan rejiaun nian, tanba uluk doutór Marí halo tiha ona planu, tanba ne'e osan iha, maibé osan ba rural hanesan Nítibe, husi Nunhei sa'e ba ne'e, ami planeia orsamentu ba tinan ida ne'e (2020), ne'ebé kuandu aprova, ami servisu ba ida ne'e," katak nia.
Arsenio mós promete katak sei halo Oekusse sai furak, liuhusi promove tais, halo nabilan ba rejiaun Oekusse tomak ho eletrisidade durante oras 24 inklui hadi'a estarada ne'ebé diresiona ba área rural sira.(*)