Prezidente PN Baixa ona Proposta OJE 2020 ba Komisaun C

Prezidente Parlamentu Nasionál (PPN) Aniceto Longuinhos. Prezidente Parlamentu Nasionál (PPN) Aniceto Longuinhos. Foto Supply

Tempotimor (Dili)-Prezidente Parlamentu Nasionál (PN), Aniceto Guterres, iha Kuarta (16/9), deside submete Proposta Lei Orsamentu Jerál Estadu (OJE) tinan fiskál 2020 ba komisaun C.

Aniceto deklara, tuir rejimentu, bainhira governu entrega proposta ho karakter urjénsia, meza presiza fó uluk proposta ne'e ba Komisaun C atu halo relatóriu pareser kona-ba karakter urjénsia, depois apresiasaun hafoin aprezenta ba plenária.

"horseik 15 Setembru, governu haruka proposta OJE 2020, ne'ebe husu debate karakter urjénsia. Tanba ne'e hau entrega ba Komisaun C atu finaliza apresiasaun no halo relatóriu pareser. Tuir rejimentu, Komisaun C iha tempu oras 24," dehan nia, iha plenária estraordináriu PN, Kuarta (16/9).

Molok ne'e, Prezidente PN, Aniceto Guterres fó sai katak, bainhira plenária deside karakter urjénsia maka meza sei konvoka prosesu kontinuasun, maibe prazu diskusaun no prazu audiénsia sei adapta tuir prazu másimu ne'ebe PN determina ona.

Nia afirma, prazu ne'ebe PN iha ona, mak loron 8 Outubru PN tenke hahú aprova ona finál globál ba roposta lei OJE 2020, depois iha loron 9 halo preparasaun ba redasaun finál, no lokraik haruka kedas ba Prezidente Repúblika kona-ba promulgasun.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.