Login to your account

Username *
Password *
Remember Me

Sistema Faila, Timor-oan Butuk iha Embaixada Portugal

Timoroan maioria idade jovens trata dokumentus iha embaixada Portugal iha Dili (16/9) Timoroan maioria idade jovens trata dokumentus iha embaixada Portugal iha Dili (16/9) Foto Tempo Timor

Tempotimor (Dili)-Sistema ajendamentu ba trata dokumentus iha embaixada Portugal ne’ebé durante ne’e halo liu husi online faila, ho nune’e Timor-oan lubuk ida ne’ebé trata hela dokumentu ba ‘hobur’ embaixada ne’ebé lokaliza besik palasiu governu ne’e.

Timor-oan ida ne’ebé trata hela dokumentus, Maria Farria hatete, iha loron hirak ne’e ajendamentu ne’ebé parte embaixada halo ho ema barak demais tan ne’e halo ema barak mak tenke mai sena malu iha embaixada nia oin.

"Ita haree sistema ne'e dinamiku tebes, tanba la hanesan uluk, sistema agora atu hao agendamentu online, ne'ebé horseik no horibainrua ne'e sira faila uitoan iha sistema, entaun simu ema barak demais, ema sira hatama dokumentu horseik to’o ohin ami hatama mós dala-ruma hein tan loron rua ou tolu mak foin bolu," dehan nia iha embaixada portugal, Kuarta (16/09).

Iha Kuarta (16/09), nia hatete, ema kuaze 1.000 mak mai iha embaixada.

Iha fatin hanesan, Timor-oan seluk, Olandina Mendonca hatete, ema hirak ne'ebé ohin mai balun hatama dokumentu foun, balun foti pasaporte no balun hein narativa.

"Ami sente atendementu ne'e susar uitoan, tanba ami halo ajendamentu iha loron 16 tuku 09:45, maibé mai to'o iha ne'e sira haruka ami aban mak mai fali, oras ne'ebé sira promete ba ami iha tuku 9:45, maibé la tuir fali oras, balun hatama dokumentu iha loron 1 Setembru to'o mai ohin mai butuk hamutuk hotu, loloos tuku 09:00 tenke atende ona, maibé ohin ami mai barak demais entaun besik tuku 10:00 mak sira foin atende ami," nia dehan,

Ho problema ne’e, Timor-oan nain rua ne’e rekomenda ba embaixada portugal atu fó limitasaun ba númeru ema ne’ebé mai trata dokumentus nune’e evita ema butuk iha embaixada nia oin.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter