Akademista husi Universidade Nasional Timor Lorosa’e (UNTL) Camilio Ximenes hatete, projetu tasi mane ne'e asuntu nasionál, tanba ne'e governu tenke aseita ho programa refere hodi dada mina mai Timor-Leste.
"Agora ita obriga sira dada kadoras mai, CNRT la hola parte ona iha governu, maibé ita tenke aseita dada kadoras mai Timor-Leste," dehan nia ba www.tempotimor.com iha nia knar fatin, kampus tuan, Kaikoli, Tersa (15/09).
Nia hatutan, bainhira tribunal internasional deside ona atu dada kadoras mai, hotu-hotu tenke serbisu hamutuk.
"Governu aseita CNRT hodi dada kadoras mai ne'e normal, tanba ha’u haree tribunal deside ona buat ne'e loos," dehan nia.
Molok ne'e, Prezidente partidu CNRT Kay Rala Xanana Gusmão deklara ona katak, projetu tasi mane ne'e asuntu nasionál, tanba ne'e presiza hotu-hotu nia kontribuisaun.