Prezidente PN PN Aniceto Guteres Lopes hatete, dadauk Pandemia Covid-19 fó tan todan adisional ba estadu tomak, nune’e sientista no peritu sira iha estadu tomak seidauk deskobre nia aimoruk no meus adekuadu para hamate virus nia espansaun.
Tanba ne'e nia dehan estadu foin mak foti medidas temporariu iha faze emergensia hasoru Covid-19, Seidauk iha medidas estruturante no programada nebe garante ita nia kapasidade hasoru pandemia ne'e iha tempu naruk.
"Importante tebes ba Parlamentu Nasional no Govermu elabora politika no legislasaun nebe, fo kbiit ba Estadu tomak hodi foti medidas adekuadu longo prazu hasoru Covid-19,"dehan nia iha Hala'o Atividade sensaun Lejislativa dala tolu iha Parlamentu Nasional, tersa (5/9).
Tuir nia, Maski situasaun ne'e seidauk iha timor oan mak mate ba covid-19 , maibe ita seidauk iha serteza, katak nia potensia dezastroza sei remata iha tempu badak no ita eskapa ona husi virus ida ne'e.
Prezidente PN ne'e esplika, medidas estruturantes hanesan revizaun ba Lei Sistema Saude, revizaun ba Lei MIgrasaun no Asilo no Lei ba Protesaun Civil, presiza fundamenta ho abordagein nebe klean no aplikavel.
Nune'e mos medidas intemas saude publika nian, tenki estabelese mos medidas ekonomikas ho poupansa, no reforsa ita nia poitika no planu rekoperasaun ekonomika hodi bele mantein vida ekonomika Timor-Leste labele monu too nivel nebe afeta estabilidade no seguransa nasional.
Tanba, Covid-19 impakni makas ba saude publika mundial no ba ekononmia mundial nebe ultrapassa ironteiras nasional no bele espande too ema nia uma laran.
Nia mos husu Estadu Timor-Leste tenki hasae nia kapasidade hodi kontrola movimentos pesoal estrangeiru, nebe tama-sai imor-Leste, hasae ita nia kapasidade Vigilansia no kapasidade politika no diplomatika hodi kontribui mos ba medidas preventivas global.(*)