Branco: Labele Privatiza Kadoras GS

Prezidente Bankada Fretilin Deputadu Francisco Miranda Branco ko'alia hela ho jornalista www.tempotimor.com iha PN, Segunda (14/9). Prezidente Bankada Fretilin Deputadu Francisco Miranda Branco ko'alia hela ho jornalista www.tempotimor.com iha PN, Segunda (14/9). Foto Tempo Timor

Tempotimor (Dili)-Setór petróleu sai fonte fundu mai Timor-Leste no nu'udar asuntu nasional. Tanba ne'e, Bnakada FRETILIN husu atu labele privatiza.

Antes ne'e, Eis-Prezidente Autoridade Nasionál Petróleu no Minerais, Gualdinho do Carmo da Silva, liuhusi semináriu Partidu CNRT deklara, publikumente úniku governasaun CNRT maka bele hanoin atu dada kadoras mai Timor-Leste.

Nune'e, Prezidente Bankada FRETILIN, Francisco Miranda Branco hateten, kestaun kadoras hanesan asuntu nasionál no husu atu partidu polítika sira labele privatiza no personafika ema ida de'it mak bele.

"Ne'e kestaun nasaun, kestaun ida ke ita hotuhotu ninian, labele privatiza, personafika katak ema ida de'it mak bele," dehan nia, ba www.tempotimor.com, iha Parlamentu Nasionál, Segunda (14/9).

Branco salienta, luta rezisténsia Timor-Leste nian to'o ukun aan iha lider komandu luta barak mak bainhira mate seluk substitui hodi lidera rezisténsia luta to'o remata, hahú kedas husi Saudozu Nicolao Lobato to'o Konis Santana.

"Bainhira ita-nia eroi boot Prezidente Nicolau Lobato mate, Komandante Xanana Gusmão troka, bainhira Xanana Gusmão ema kaer Komandante Mauhuno, bainhira mai ema kaer Komandu-da-luta pasa ba Koni Santana, bainhira Koni Santana mate kontinua ba Komandante Taur Matan Ruak," dehan Branco.

Deputadu ne'e akresenta, partidu FRETILIN mós defende kadoras mai Timor-Leste, tanba konsidera hanesan asuntu nasionál, hahú kedas bainhira Eis-Xefi Negosiadór, Mari Alkatiri, iha tempu negosisaun kadoras Bayu Undan defende ona kadoras mai Timor-Leste.

"Desde uluk kedas, la'ós agora de'it," dehan Branco. Antes ne'e, atuál Prezidente CNRT, Xanana Gusmão rekoñese, kadoras Greater Sunrise nu'udar asuntu nasionál la'ós CNRT nian.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks