Login to your account

Username *
Password *
Remember Me

Prevene Covid-19, MNEK Husu Kompriensaun Sidadaun Nian

MNEK Adalgiza Magno ko’alia ba jornalista sira iha Palasiu PR (10/9) MNEK Adalgiza Magno ko’alia ba jornalista sira iha Palasiu PR (10/9) Foto Mídia PR

Tempotimor (Díli)- Relasiona ho dezobediénsia sidadaun nian, ba regra Estadu emerjénsia ne'ebé Prezidente Repúblika (PR), Francisco Guterres Lú-Olo dekreta ona, mak Ministra Negósiu Estranjéiru no Kooperasaun (MNEK), Adalgiza Albertina Xavier Reis Magno husu sidadaun atu kumpri regra husi Governu.

"Tama ilegál ne'e, preokupasaun boot, ami rona katak foin dadauk ne'e juventude balun ba rai ketan, depois tama fila fali mai, depois ba liu uma, maibé la liu husi kuarentena, ne'ebé favór boot ida, kuandu tama mai karik liuhusi kuarentena, para evita transmisaun Covid-19 ne'e, iha komunidade," dehan MNEK Adalgiza, iha Ministériu Finansas, Aitarak Laran Dili, Kinta (10/9).

Governante ne'e, mós ko'alia ho Ministra Saúde (MS), Odete Belo, hodi tau atensaun ba juventude sira ne'ebé kontra regras saúde nian.

"Ohin ha'u mós ko'alia ona ho Ministra Saúde, entaun nia mós preokupa loos, tanba iha juventude barak mak tama ilegál no sira ba liu de'it sira-nia uma. Depois PNTL no parte saúde ba husu kooperasaun, hodi lori sira ba kuarentena," katak nia

Ministra ne'e mos apela ba juventude sira, atu labele halo movimentu ilegál no husu atu kupri regras ne'ebé mak iha.

"Ha'u apela ba alin sira katak, ita ne'e sorte loos, maske ita iha Covid-19, maibé laiha transmisaun komunidade, tanba bainhira iha transmisaun lokál, ne'e ita araska loos, tanba ne'e husu ba alin sira lalika tama ilegál, maibé favór tama ho regra ka liu husi imigrasaun," dehan Adalgiza

Adalgiza afirma katak, Governu tenke halo vijilánsia liután no husu ba komunidade sira, atu respeita regras sira husi EE nian.

Rate this item
(0 votes)
Last modified on Friday, 11 September 2020 08:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter