Peregrinasaun Ikus Renan Selak iha Mundu

By Tempo Timor September 10, 2020 1426

font size decrease font size increase font size
Print
Email

Eis Sekretariu Rejiaun Gerilia I, Ponta Leste, Sauddozu Renan Selak Foto Suplai

TempoTimor (Díli) - Funu na'in Forsa Armada Libertasaun Nasionál Timor-Leste (Falintil), Faustino dos Santos “Renan Selak”, iha Kinta (10/9), tuku 11:45, hakotu iha Ospitál Nasionál Guido Valadares (HNGV), iha Bidau-Dili.

Oan mane dahuluk, Norquia dos Santos hateten, nia-aman transporta husi Munisípiu Lautem mai halo tratamentu saúde iha HNGV durante semana ida ona, tanba hetan moras iha pulmaun.

“Ha'u-nia pai mai halo tratamentu saúde iha ospitál nasionál ne'e foin to'o semana ida, maibé ohin hakotu nia iis, tanba akompaña mós ho moras iha nia pulmaun”, dehan nia, iha HNGV, Bidau, Kinta (10/09).

Entretantu, saudozu Faustino dos Santos “Renan Selak” iha oan na'in 6, kompostu husi mane tolu no feto tolu.

Saudozu Renan-Selak moris iha loron 1 Maiu 1956, iha aldeia Ira-Ara, Suku Fuiloro, Postu Administrativu Lospalos-Vila, Munisípiu Lautem. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com