“Ami hamutuk ho empreza MURA, ne’ebé hakarak atu halo investimentu iha Timor Leste hodi dezenvolve industria ida hodi trasforma plástiku ba enerjia Oleo no ami hakarak”, tenik Sekrétariu Estadu Demetrio de Amaral de Carvalho, iha knaar fatin Fomentu-Mandarin, Sesta (5/4).

Sekretáriu Estadu hamutuk ho kompañia ba Tasi-Tolu hodi observa efeitu plástiku ba tasi Timor-Leste, tanba iha minutu rua nia laran de’it konsege rekolla plástiku kuaze kilograma lima. Ne’e hatudu situasaun plástiku ne’e alertadu loos.

“Se ita la halo esforsu únika ba plástiku ne’e, ita-nia riku-soin biodiversidade iha tasi laran ne’e bele dezaparese iha loron ruma”, tenik Demetrio.

Nia afirma, Governu sei lori prosesu ne’e to’o iha kontratu ida, mas agora dadauk ne’e halo de’it let of intend para empreza MURA bele hahú prosesu ruma.