"Mákina rua ne'e atu hamoos ita-nia ár iha sala laran ka iha fatin ne'ebé de'it nia halo moos. Tanba ne'e, mak sira fó mákina rua ne'e," dehan Diretór Jerál Prezidénsia Repúblika, Domingos Amaral, iha Palásiu Prezidensiál, Kuarta (9/9).

Palásiu Prezidensiál sente kontente no agradese tebes ba apoia husi Governu Populár Xina ba mákina purifikasaun rua ne’e.

"Ami sente kontente tebes tanba bele tau iha sala ne'ebé baibain jornalista sira mai halibur no ida seluk tau iha salaun xina, para hamoos ita-nia ár, tanba ita-nia iis la hanesan, balun saudavel mas balun la saudavel, entaun husi mákina ne'e bele hamoos, depois kualkér virus mós nia hamoos hotu," nia dehan

Iha fatin hanesan, reprezentante Embaixadór Xina iha TL, Geng Xiewei sente kontente tanba apoiu mákina purifikasaun mai TL, maibé bainhira TL presiza tan Xina prontu apoiu. (*)