Xefe Estadu Veta Lei Protesaun Sivíl, PN Promete Sei Hadi'a

Prezidente Republika Francisco Guteres 'Lú Olo' asina hela karta kona-ba vetu proposta lei protesun sivil. Prezidente Republika Francisco Guteres 'Lú Olo' asina hela karta kona-ba vetu proposta lei protesun sivil. Foto Suplai

Tempotimor (Dili) - Prezidente Repúblika deklara ona pozisaun veta Lei Protesaun Sivíl ne'ebé propoin husi Parlamentu Nasionál. Nune’e, deputadu sira sei buka dalan atu hadi’a hodi aprezenta tan ba Xefe Estadu.

Prezidente Komisaun B PN, José Agostinho Somotxo hateten lia-hirak ne’e iha Parlamentu Nasionál, Kuarta (9/9).

Nia dehan, kona-ba veta Lei Protesaun Sivíl ne'e PN sei iha alternativu rua, ida maka bele halo konfirmasaun votu no seluk mak sobu no hadi’a.

Somotxo hatutan, razaun deside veta proposta lei n.º 16/V (2a) kona-ba Lei Protesaun sivíl, tanba Xefe Estadu kestiona iha artigu 24 husi proposta ne’e xoke malu ho artigu 25 husi konstituisaun.

Ne'e duni, iha momentu Xefe Estadu veta proposta lei ne’e Prezidente Repúblika mós haruka hikas rekomendasaun ba PN no husu rezolve artigu 24.

Deputadu Fretilin ne'e esplika, iha artigu 24 husi Lei Protesaun Sivíl ne'e ko'alia kona-ba restrisaun ka estadesepsaun, tanba ne'e Xefe Estadu la konkorda ho artigu ne’e.

Iha loron 21 Jullu, PN aprova proposta Lei Protesaun Sivíl ho votu afavor 57, no submete ba Prezidente Repúblika, hafoin veta iha loron 27 Agostu 2020. (*) 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks