Ministru Prezidénsia Konsellu Ministru, Fidelis Leite Magalhães hateten, projetu rezolusaun ne'e aprezenta husi Ministru Ensinu Superiór, Siénsia no Kultura (MESSK), Longuinhos dos Santos, hetan ona aprovasaun husi Konsellu Ministru.

"Nomeasaun Rui Daniel de Carvalho ne'e hodi troka Armindo Maia ne'ebé altura ne'e asume funsaun hanesan ministru, entaun presiza atu troka Armindo Maia hodi foka de'it funsaun atuál hanesan ministru", dehan nia, iha Palásiu Governu, Kuarta (09/09).

Nune'e, razaun ne'ebé halo nomeasaun ba Rui Daniel de Carvalho ba Prezidente IPB hodi troka Armindo Maia maka atu fó espasu hodi Armindo Maia servisu foka de'it ba funsaun atuál hanesan Ministru Edukasaun Juventude no Desportu. Tanba, antes ne'e, atuál Ministru Armindo Maia mak hanesan prezidente ba IPB. (*)