Ângela Fó Resposta ‘Xoke’ Lere

Portavoz Rezisténsia Nasionál Defende Justisa no K-RDTL Ángela Freitas Portavoz Rezisténsia Nasionál Defende Justisa no K-RDTL Ángela Freitas Foto Tempo Timor

Tempotimor (Dili)-Portavós grupu Rezisténsia Nasionál Defende Justisa no Konstituisaun, Ângela Freitas responde no deklarasaun Xefe Estadu Maiór Jenerál F-FTL, Majór Jenerál Lere Anan Timur, ne’ebé husu atu investiga Ângela tanba uza fotografia figura patrimóniu Estadu Kay Rala Xanana Gusmão.

Ângela konsidera Jenerál Lere ‘cemburu’ tanba la uza ninia fotografia maibé utiliza fali Xanana ninia foto iha sira-ninia asaun.

"Ha'u presiza ko'alia ho maun boot, Komandante Ein Xefe Kay Rala Xanana Gusmão, la'ós maun Lere. Tanba ne'e, la'ós nia foto mak ami tau iha ne'e," dehan Ângela iha sede RNDJK, Bairru Formoza, Segunda (7/9).

Tuir nia, durante ema barak mate la'ós ba Timor-Leste, maibé ba Xanana Gusmão.

"Ema rihun ba rihun mak mate ba naran ida Xanana Gusmão ne'e no ami sira ne'ebé mate restu ne'e kontinua tane nia hanesan Komandante Ein Xefe FALINTIL," tenik nia.

Portavós ne'e husu ba Lere tanba saida mak mai halo fali investigasaun ba foto ne'e.

"Tanbasá sira mak mai investiga fali kona-ba foto ne'e? Ami defende Xanana to'o mate, tanba ida ne'e ami-nia ai-hun, nia mak símbolu unidade nasionál, laiha tan ema seluk," katak nia. (*)

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Tempo Timor Networks