Hanesan mós labarik menor idade inklui mós ema adultu sira ne’ebé haree filme pornografia sira bele hamosu probelma iha sira-nia vida.
Tanba, husi rezultadu nonton filme porno halo ema bele lakon kontrola hodi hamosu violasaun seksual hasoru labarik menor idade.
Lia-hirak ne’e hato’o husi Vise-Minustru Interior, António Armindo hafoin partisipa abertura kursu husi ofisial PNTL hodi kombate krime violasaun no abuzu seksuál ba menór hodi mellora servisu investigasaun, ne'ebé halao iha Sentru Akademika Polisia Nasional Timor-Leste (PNTL), Komoro, Segunda (7/9).
"Ita hatene katak globalizasaun informatika ne'e mak halo joven sira ne'e dala ruma la kontrola, gosta haree filme ida ne'e-ida ne'ebá, ne'e mak halo sira hanoin la to’o, lakon konxiensia no halo problema ne'ebé ema hotu la espera," dehan nia.
Ne’e duni, governu kontinua servisu hamutuk ho parseiru sira hanesan UNDP-TLPDP, Uniaun Europeu ho Sentru Formasaun Akademia PNTL ne'ebé partisipante mai husi munisipiu 12, inklui RAEOA hamutuk na’in 111, halo formasaun kona-ba mekanizmu atu kombate atu hirak ne’e.
Entertantu, tuir dadus ne'ebé www.tempotimor.com asesu husi Inisiativa Spotlight iha tinan 2019, total númeru xokadu hamutuk 87,4% (612.000) husi labarik sira mak hetan violénsia fízika no emosional iha uma Timor-Leste. (*)
