Mensajen ne’e FOONGTIL hato’o relasiona ho prezensa membru FALINTIL-Forsa Defeza Timor-Leste (F-FDTL) ne'ebé halo vijilánsia ba Ângela Freitas nia rezidénsia, iha Bairru Formoza.

Diretór Ezekutivu FONGTIL, Daniel Santos do Carmo hatete, situasaun iha rai-laran la’o hakmatek no normál. Tanba ne'e, sosiedade sivíl hakarak fó mensajen ba atu povu labele pániku ho situasaun ne’ebé akontese.

"Tempu ona hapara violénsia polítika, uza ulun malirin hodi rezolve problema hotu tuir lei, konsentra ba dezenvolvimentu nasionál, tau interese povu aas liu interese polítika, privadu no partidária", dehan nia, liuhusi konferénsia imprensa, iha Kaikoli, Sesta (4/9).

FONGTIL lakohi espekula hodi hatutan tan informasaun hodi halo komunidade domina ho buat ida ne'ebé ladún di'ak.

FONFGTIL hakarak enkoraja instituisaun Estadu ida-idak halo nia papél, polísia hala nia papél, ministériu públiku halo nia papél, atu saida de'it mak akontese iha loron hirak liu bá, sira iha kompeténsia atu halo servisu.

Kona-ba prezensa F-FDTL hodi halo vijilánsia ba Ângela Freitas nian kontra lei ka lae, nia dehan, FONGTIL nia mensajen lakohi atu hamanas tan, ministériu públiku, polísia no forsa armada sira hatene halo servisu, husik ida-idak halo nia servisu. (*)