Meza Foun Prezidente PN ‘La Metin’

Lia-na'in sira husi munisípiu 12 inklui RAEOA halo hela serimónia rituál iha PN hodi harii hilas meza PN. Sesta (4/9) Lia-na'in sira husi munisípiu 12 inklui RAEOA halo hela serimónia rituál iha PN hodi harii hilas meza PN. Sesta (4/9) Foto Tempo Timor

Tempotimor (Dili)-Meza foun Prezidente Parlamentu Nasionál ne’ebé hatuur hikas ona liuhusi serimónia rituál kulturál sei ‘la metin’ tanba iha serimónia importante ne’e la hetan partisipasaun másimu husi deputadu sira hotu.

Serimónia hatuur hikas meza Prezidente PN, iha Sesta (4/9) hahú ho lisan no taka ho misa. Maski nune’e, serimónia ne’e la hetan prezensa másimu husi deputadu bankada CNRT ho PD.

Ne’e duni, tuir lia na’in sei fó impaktu iha futuru tanba seidauk iha entendementu entre deputadu sira. Koordenadór lian na’in, Eugénio Sarmento hateten, iha futuru sei fó impaktu tanba deputadu sira iha Parlamentu Nasionál seidauk iha entendementu.

"Haree husi perspetiva lian na’in ami hotu-hotu, ne'e fó impaktu ba futuru tanba ita nafatin seidauk entende malu ho di'ak," dehan nia, iha Parlamentu Nasionál, Sesta (4/9).

Serimónia lisan ne'e rasik lian na'in sira ne'ebé hola parte mak mai reprezentante lian na’in husi lorosa'e na'in rua, rai klaran na’in rua no loromonu na'in rua, maibé husi lia na'in sira mós bolu tan lian na'in seluk, nune'e lian na'in sanulu resin. (*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.