Print this page

Branco husu Polítiku Sira Halo Reflesaun

By September 04, 2020 1078
Xefe bankada Fretilin deputadu Francisco Miranda Branco ko'alia hela ho jornalista sira iha Parlamentu Nasionál. Sesta (4/9) Xefe bankada Fretilin deputadu Francisco Miranda Branco ko'alia hela ho jornalista sira iha Parlamentu Nasionál. Sesta (4/9) Foto Tempo Timor

Tempotimor (Dili)-Deputadu husi bankada Fretilin Francisco Miranda Branco husu ba politiku-nain sira iha Timor-Leste atu halo reflesaun tanba konsidera laiha ona unidade iha Timor-Leste.

Deputadu Branco hatoo kestaun nee relasiona ho loron 4 Setembru neebé sai nuudar loron anunsia rezultadu referendu iha tinan 1999.

Tuir Branco, rezultadu referedu ne'ebé fó sai iha 4 Setembru 1999 hanesan atus unidade ne'ebé Timor-oan hatudu iha momentu ne'ebá.

Maibé, nia hatutan, hafoin referendu, politiku sira hahú hamihis unidade Timor-oan sira.

“Dia 4 Setembru ne'e loron boot ida, loron ne'ebé tuir loloos povu Timor-Leste hamutuk hametin liu tan unidade nasional hodi hamutuk fó liman ba malu atu konstrui estadu Timor-Leste. (maibé) Ida ne'e mak ita la haree, sei falta, ne'e tuir hau-nia hanoin atu halo refresaun. Reflesaun hanesan sidadaun iha nasaun foun ida ne'e," dehan Branco iha PN, Sesta (04/09).

Nune'e Branco, hatutan presiza unidade no deversidade, katak unidade maibé idaidak ho nia hanoin iha demokrasia, plurarismu, laos atu fahe malu.

"Ida ne'e mak sei falta iha momentu ida ne'e," dehan Branco.

Entertantu, iha 4 Setembru 1999 ONU fó sai rezultadu referendu katak povu TL porsentu 78.50 rezeita autonomia, no porsentu 21.50 simu autonomia. Ho rezultadu ida nee, TL konsege hetan ninia ukun rasik an.(*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items