Deputadu CNRT Falta iha Serimonia Harii Meza PN ne'ebé Sira Harahun

Lia-na'in sira husi munisípiu 12 inklui RAEOA, hamulak hela Meza foun Prezidente no Vise Paralmentu Nasionál nian iha plenária PN. Sesta (4/9) Lia-na'in sira husi munisípiu 12 inklui RAEOA, hamulak hela Meza foun Prezidente no Vise Paralmentu Nasionál nian iha plenária PN. Sesta (4/9) Foto Tempo Timor

Tempotimor (Dili)-Deputadu sira husi bankada CNRT deside hodi la hola parte iha serimonia ritual hatuur hikas meza Parlamentu Nasionál ne'ebé hala'o iha Sesta (04/09).

Meza PN ne'e rasik rahun tanba mós kontribuisaun boot husi deputadu bankada refere.

Ohin, PN halibur lia-nain sira husi munisipiu 12 no RAEOA, hodi harii hikas meza foun, maibé tuir observasaun jornalista www.tempotimor.com , deputadu CNRT sira la marka prezensa.

Maske deputadu CNRT sira la marka prezensa, maibé serimonia harii hikas meza PN ne'e kontinua la'o.

Tuir Prezidente PN Aniceto Guterres, PN tenke harii hikas ninia meza foun ne'ebé abandona durante ne'e.

"(Bankada CNRT) atu mai ka la'e, Parlamentu Nasional tenke la'o ba oin, harii hikas meza ida ne'e," dehan Aniceto iha PN.

Iha fatin hanesan kordenadór Lia-nain, Eugénio Sarmento hatete, komisaun prepara ona grupu teknolojiza no etno linguistika husi munisipiu 12 no RAEOA atu bele hamulak tuir lisan ka kultura Timor-Leste nian.

Entretantu, deputadu sira neebé partisipa iha serimonia ritual ne'e mak deputadu husi bankada Fretilin, KHUNTO, PLP, PD, UDT/FM, inklui komunidade balun.(*)

Rate this item
(1 Vote)
Last modified on Friday, 04 September 2020 13:59
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter